Evang.-ref. Kirchgemeinde Seuzach

Cornelia Sprenger

Seniorenferien in Flims vom 4.9. - 13.9.2017

Meine Bilder<div class='url' style='display:none;'>/</div><div class='dom' style='display:none;'>seuzach-reformiert.ch/</div><div class='aid' style='display:none;'>2</div><div class='bid' style='display:none;'>1458</div><div class='usr' style='display:none;'>3</div>

Vieles isch anderscht als anderi Jahr,
trotzdem isch alles wunderbar.
S’Team hät sich müese a eus gwöhne,
und mir händ eus gärn la verwöhne.
Im Sunstar Hotel z’Flims wo mir guet ufghobe sind,
wänn au mängmal blast en andere Wind.
Cornelia Sprenger,
Vo Walking trainiere, links, rechts, d’Ärm strecke,
gahts übere zum au emal sich recke.
Wer au immer mitmache will,
als Dank für euses super Team.

Mal wandere, öppis aaluege oder singe,
so tüend mir diä Täg verbringe.

Uf em Retourweg vo Conn hämer d’Rössli la iispanne,
und sind mit dä Kutsche vor’s Hotel gfüert worde ohni Panne.

Mal Rundgang ums Laaxerseeli mit Schirm oder Kapuzze,
i dä Brauerei z’Flims z’Mittag gässe,
aus das mues mer nuzze.

Dä Räge tüend mir umgah,
und spiled halt Lotto, Hurra!

Das Gedicht han i usdänkt uf em Weg
vom Caumasee über’s Sportzentrum mit em Chlättersteg
vorbii bi dene grüene Mätteli mit em Wasserfall,
wo au d’Chüeli na dörfed dusse si und nid scho im Stall.

Mir möchted eu allne ganz herzlich danke säge,
au am usdänke für es gschänkli sind mir nid verläge.
Als Erinnerig as Bünderland
da en liebe Gruess
i Form vo Chäs, Salsiz, Birebrot und so,
striches zum z’Morge dä Honig ufs Butterbrot, aber oho!
Dänked debi a dä schön Tag wo chunt,
dänn wird er sicher rächt bunt.

Somit verabschieded mir eus vo eu,
ich hoffe mir bliibed eus wiiterhin treu.

Nelli Stähli